სანამ პროექტის დათვალიერებაზე გადახვალთ ნება მიბოძეთ წარგიდგინოთ მცირედი შესავალი:
საქართველო ისტორიით მდიდარი ქვეყანაა. დიდი ხნის განმავლობაში საქართველო იყო მონარქიული სახელმწიფო, ფეოდალური ღირებულებებით. XX საუკუნის დასაწყისში ჩამოყალიბდა რევოლუციური პარტიები და 1918 წელს გადაიდგა, საქართველოს ისტორიაში, უდიდესი ნაბიჯი, 26 მაისს მოვიპოვეთ დამოუკიდებლობა. ახლად შექმნილი სახელმწიფო პრეგრესული ღირებულებებით ვითარდებოდა, ეს კი, რაღა თქმა უნდა, მებრძოლო,განათლებული და პროგრესულად მოაზროვნე ადამიანების დამსახურება იყო. ჩემი პროექტის მიზანი მათი გაცნობაა საზოგადოებისთვის.
საქართველოს დემოკრატიული რესპუბლიკის დროშა
რეტუშირებული და გაფერადებული შავ-თეთრი ფოტოები.
სააქართველოს დემოკრატიული რესპუბლიკის რუკა. დღევანდელი საქართველოს საზღვარი ლურჯ ხაზითაა წარმოჩენილი, ხოლო ოკუპირებული ტერიტორიები კი წითლად. ეს რუკა ლოგოს სახითაა წარმოდგენილი ნამუშევრებში.
1918 წლის 26 მაისს გოლოვინის გამზირზე, კავკასიის მეფისნაცვლის ყოფილ რეზიდენციაში, თავისი უკანასკნელი სხდომა ჩაატარა ამიეკავკასიის სეიმმა. ამიერკავკასიის დემოკრატიული ფედერაციული რესპუბლიკა დაშლილად გამოცხადდა. იმავე დარბაზში შედგა საქართველოს ეროვნული საბჭოს სხდომა. სხდომა გაიხსნა 4 საათსა და 50 წუთზე, ნოე ჟორდანიას თავმჯდომარეობით. საქართველოს ეროვნულმა საბჭომ 5 საათსა და 10 წუთზე ერთხმად დაამტკიცა „საქართველოს დამოუკიდებლობის აქტი“.
ნოე ჟორდანია (დ. 2 (15) იანვარი, 1868, 1868, ლანჩხუთი — გ. 11 იანვარი, 1953, პარიზი) — ქართველი სახელმწიფო მოღვაწე, პოლიტიკოსი, თეორეტიკოსი, პუბლიცისტი, ქართველი სოციალ-დემოკრატების ლიდერი, საქართველოს დემოკრატიული რესპუბლიკის მთავრობის თავმჯდომარე.
აკაკი ჩხენკელი (დ. 19 მაისი, 1874, ოქუმი — გ. 5 იანვარი, 1959) — ქართველი პოლიტიკოსი და დიპლომატი, საქართვლოს დემოკრატიული რესპუბლიკის საგარეო საქმეთა მინისტრი, ეროვნული საბჭოსა და დამფუძნებელი კრების წევრი, საქართველოს ელჩი საფრანგეთში.
ნოე ხომერიკი (დ. 7 აგვისტო, 1883, მიქელგაბრიელი — გ. 1924) — ქართველი პოლიტიკოსი, საქართველოს დემოკრატიული რესპუბლიკის მიწათმოქმედებისა მინისტრი, დამფუძნებელი კრების წევრი.
მადლობა ყურადღებისთვის!
